Addresse

H. J. Rinksvej 7

Box 1620

3900 Nuuk

Kalaallit Nunaat

Ammasarfiit

Ataasinng. - Sisamanng: 10:00 - 17:30

Tallimanng:                    10:00 - 18:00

Arfininng:                      10:00 - 13:00

Sapaat:                          Matoqqavoq 

Ejvind Elsner

-Pisortaq. Immiussanik saqqummersitsinissanut siammartiternissaanullu isumaqatigiissusiornerit Ejvind-ip isumagisarpai. Immiussisarfik Atlantic Studio qanoq ingerlanneqassanersoq kikkullu immiussissanersut aamma aalajangertarpaa. Ulluinnarnik aamma pisariaqaraangat pisiniarfimmiittarpoq.

Ejvind-i kalaallisut, qallunaatut tuluttullu oqaluttarpoq. 

E-mail:  ejvind@atlantic.gl

Marianne K. Elsner

-Pisortaq/allaffimmioq. Marianne-p naatsorsuusiornerit tamakkiisumik aqutarai, pisiniarfimmilu iliuusissat suliarisarlugit. Marianne qallunaatut tuluttullu oqaluttarpoq kalaallisullu immannguaq paasisinnaalluni oqalussinnaavoq.  

E-mail: mke@atlantic.gl

Christian K. Elsner

-Tuniniaaneq, nittarsaassineq pilerisaarusiornerlu. Christiaap akisussaaffii, sinerissamut nipilersukkanik tuniniaaneq, pilerisaarusiornerit, nuuteeqqat saqqaliorneri, plakatiliorneq il.il. Christian kalaallisut, qallunaatut tuluttullu oqaluttarpoq.

E-mail: cke@atlantic.gl

Atlantic Music-ip Oqaluttuassartaa

Atlantic Music ApS - Ukioq 1990 Nanortalimmi ammarneqarpoq, pilersitsisuuvoq Ejvind Elsner - niuernermut, pilerisaarinermut naatsorsuusiornermullu ilinniarsimasoq. Ejvind-i nammineerluni nipilersornermik nuannarisaqarpoq, 80-kkunnilu inuusuttuulluni nipilersoqatigiit kujataani angalaqatigisarnikuullugit. Inini anginngittuni nioqqutit ikittunnguit, soorlu guitarit, sakkortusaatit videollu tuniniagarilerpai, 1998-milu immiussisarfik Atlantic Studio ammarneqarluni. Sivittunngilarli sinerissaminngaanniit nipilersuutinut soqutiginnittut amerliartuinnartut, taamaattorlu 2001-mi pisiniarfik Nuummut nuunneqarpoq. Sinerissamut siammartiterissalluni ajornannginnerugami massakkut pisiniarfik aammalu immiussisarfik Nuummi inissisimapput. USA-mi Europamilu angisoorsuarnik pisiniarfeqaraluaqisoq kalaalerpassuit Atlantic Music aqqutigalugu nipilersuutinik piniartarput, pissutsillu arlariipput...kalaallit oqaasii atorlugit niuerniarsinnaaneq pingaartinneqarpoq, aammalu nipilersuutit qularnaveeqqusiinermut uppernarsaat nunatsinniitissallugu tatiginarnerusarami. Pisiniarfitsinni pisiniarnerusartut akikilliliiffigineqartarput aamma soorunami amerlasuunik nipilersuutinik piniartoqaraangat neqeroorutiliortarpugut pisiniartut ajunnginnerpaamik misigisaqartarniassammata. Eqqaamaneqartariaqarpoq nunatsinnut nassiussineq akisungaatsiartartoq. Atlantic Music-mi akivut appaqqatinniarsariinnaavittarpavut aammalu nioqqutigisartakkavut ilaat nunarsuarmi akikinnersaallutik. Ullumikkut Ejvind-ip nulia Marianne aamma Atlantic Music-mi sulisarpoq ernera Christian.